Цифрлы икътисадның алга таба үсеше өчен уңай шартлар тудыру, цифрлы технологияләрне, халыкның тормыш сыйфатын күтәрү өчен сервисларны һәм хезмәтләрне нәтиҗәле үстерү максатларында Татарстан Республикасы Президенты Рөстәм Миңнеханов 2022 елны Татарстан Республикасында цифрлаштыру елы дип игълан итте.

      Шул уңайдан 12 январь көнне Яңа Әмзә авылы китапханәсендә “Китап киштәсендә цифрлаштыру” дип аталган китап күргәзмәсеоештырылды. Күргәзмәдә фән һәм техниканың соңгы казанышлары, иң мөһим ачышлар һәм уйлап табулар, IT-өлкәдәге казанышлар, робототехника һәм ясалма интеллект турында китаплар һәм вакытлы басмалар тәкъдим ителде.