25 апрель көнне халкыбызның сөекле шагыйре Габдулла Тукайның тууына 135 ел тулу уңаеннан Кизләү авылы китапханәсендә “Без Тукай оныклары “-исемле әдәби кичә уздырдык.Укучылар Г.Тукайның шигырьләрен сөйләделәр, “Бала белән күбәләк”,“Су анасы”, “Шүрәле” әкиятләрен рольләргә  бүлеп уйнап күрсәттеләр. Бөек шагыйребез Габдулла Тукайның иҗатына карата оештырылган әдәби  кичә күңелле узды.

15 апрель көнне Кизләү авылы китапханәсендә  күренекле галим Ризаэтдин Фәхреддин китабыннан”Ислам дине- вә ана теле” дигән темага файдалы киңәшләр сәгате уздырылды. Китапханәгә килүче авылдашларыбызга Р.Фәхреддиннең “Туган телебезне саклау” турында язылган мәкаләләрен укыдым “Асар”,” Мәгъшүр адәмнәр” исемле китаплары белән аларны, якыннан таныштырдым.

6 апрель көнне Кизләү авылы китапханәсендә “Татарстанда туган телләр һәм халыклар бердәмлеге” елы уңаеннан башлангыч сыйныф  укучыларын презентация ярдәмендә  Татарстанның тарихи урыннары белән таныштырдым, халыкыбызның сөекле шагыйре Г.Тукайның “Туган як” дип аталган музыкаль -  әкиятләреннән торган  мультфильмнар күрсәттем. Чарага багышлап китапханәдә “Иң татлы тел -Туган тел” дип исемләнгән китап күргәзмәсе оештырдым һәм китап укучыларны күргәзмәгә куелган китаплар белән якыннанрак таныштырдым.

7 апрель көнне Кизләү авылы китапханәсендә “Китап- белем чишмәсе” дигән китапханә сәгате үтте. Китап яратучы авылдашларыбызны яңа китаплар белән таныштырдым. Алар яратып укыган китаплар турында фикерләр алыштык һәм алар  үзләренә ошаган китапларны укырга яздырып та алдылар.

“Татар халкының йолалары һәм бәйрәмнәре “

27 февраль көнне Кизләү авылы китапханәсендә  “Мирас“ клубы  эшен дәвам итеп  “Татар халкының йолалары һәм бәйрәмнәре” дигән темага әңгәмә уздырдык.  Борыңгыдан килгән гореф- гадәтләрнең , бәйрәмнәрнең  ничек барлыкка килүе ,хәзерге вакытта нинди бәйрәмнәр ешрак уздырылуы турында фикерләр алыштык  Авылдашларыбыз күргәзмәгә куелган китаплар белән  якыннан таныштылар .