12 декабрь- Россия Федерациясе Конституциясе көне буларак билгеләп үтелә. Россия Федераль законнары кергән китаплардан  күргәзмә ясадым.

Россия Федерациясе Конституциясе- 1993 елның 12 декабрендә бөтен халык тавыш бирүе белән кабул ителде. Шул хакта  китап яратучы кешеләргә аңлаттым,  аларны күргәзмәгә куелган китаплар белән таныштырдым. Хасаншина Роза апа “Ата-ана ,яшүсмер, закон” һәм “Россия Федераль законнары “–дигән китапларны укырга дип,яздырып та алды.

9 декабрь – Ватан геройлары көне буларак билгеләп үтелә. Шуңа  “Батырлар даны мәңгелек”- дигән китап күргәзмәсе ясадым. Күргәзмәдә батырлар турында язылган  китаплар  урын алды. Китапханәгә килүче китап укучыларны күргәзмәгә куелган китаплар белән якыннан таныштырдым.

Бөек Ватан сугышында катнашкан батырларыбызны искә алып әңгәмә үткәрдек.

25 ноябрь  көнне  өлкәннәр белән “ Өзак яшәү серләре”- дигән темага мәгълүмати –әңгәмә уздырдык. Якуп абый озын гомерле булу өчен ничек итеп  дөрес режим белән яшәргә, кирәклеге хакында сөйләде. “Сәламәт тәндә -сәламәт акыл”- дигән китап күргәзмәсе ясадым. Кеше тормышында физик күнегүләр белән шөгыльләнү озак яшәүнең нәтиҗәсе икәнлеге турында бергәләп фикер алыштык.

4 декабрь  көнне Кизләү авылы китапханәсендә мөмкинлекләре физик яктан чикләнгән  бала хөкемендәге инвалидларны чакырып күңелле  бәйрәм уздырдым. Бәйрәм кичәсен Кәүсәрия Шафикованың ”Яралы өмет”,”Кеше бул” исемле шигырьләре белән башлап җибәрдем .Алар өчен  “Күз бәйләп  әниләрен тану”, “Зәлидә” уены һәм ике командага бүлеп  кеше исемнәрен әйтү , “Ягымлы сүзләр әйтү” ярышы оештырдым. Уеннардан соң аларга туган як әкиятләре дигән мультфильмнар  күрсәттем һәм күңелле җырлар башкардык. Бәйрәмнең икенче өлеше чәй табыны артында дәвам итте. Бер якта Фәнис Яруллин, Гакиль Сагиров , Кәүсәрия Шафикова иҗатына багышланган китап күргәзмәсе оештырылды. Чара азагында катнашучыларга бүләкләр дә тапшырдым .

24 ноябрь көнне Кизләү авылы китапханәсе ,мәдәният йорты белән берлектә  “Изге күңелле әниләр”- исемле әниләр көненә багышланган бәйрәм кичәсе һәм китапханәдә китап күргәзмәсе оештырылды. Кичә башында  авыл җирлеге башлыгы Ганиев Рәис Минвәли улы барлык әниләрне дә бәйрәм белән котлады. Авылыбызның иң өлкән ,иң күркәм гаиләләре Хаммадиевлар, Ганиевлар, Гиззатуллиннар, сәхнә түренә чакырылды. Алар, ана кеше нинди була, аналарның балаларга киңәшләре, тәрбия баскычлары турында сөйләделәр, кадерле әниләребезгә карата язган шигырьләрен укыдылар. Кичә  барышында әнкәйләргә багышланган моңлы җырлар яңгырады. Әниләр көненә багышланган бәйрәм кичәсе бик күңелле үтте.