28 декабрь көнне Г. Әпсәләмовның тууына 110 ел тула. Шул уңайдан Яңа Әмзә авылы китапханәсе китап укучылар белән “Г.Әпсәләмовның иҗат мирасы” дип аталган әдәби сәгать үткәрде. Китапханәче Г. Әпсәләмовның тормыш юлы һәм иҗаты белән таныштырды, “Ак чәчәкләр” романына анализ ясалды. Шулай ук китап укучыларга “Сүнмәс утлар кабызган әдип” дип исемләнгән китап күргәзмәсе тәкъдим ителде. Китапханәгә йөрүче укучылар күргәзмә белән таныштылар һәм китапларны үзләренә укырга  дип яздырып та  алдылар.