"Гаилә учагы" журналы китап укучыларыбызның иң яратып укыла торган журналыдыр мөгаен. Агымдагы елныкы гына түгел, үткән елларда чыккан саннарын да рәхәтләнеп укыйлар китап укучыларыбыз. Гыйбрәтле язмышлар, дин, сәләмәтлек, табигать һәм башка бүлекләрдән торган бик эчтәлекле, файдалы язмалар белән җәлеп итүче матур, төсле журнал ул.
15 май көнне авыл китапханәчесе укучыларны яңа керемнәр белән таныштырды, әдәбият тәкъдим итте. Махсус категорияле укучылар белән эшләү мөмкинлекләре чикләнгән һәм өлкән яшьтәге кешеләр белән эшләү мөһим һәм актуаль. Аларның күбесе, килеп туган шартлар аркасында, тышкы дөньядан аерылган. Мондый эш формасы өлкәннәргә уку һәм аралашу аша тормышка ашырыла торган социаль элемтәләрне сакларга ярдәм итәчәк.