Ново-Амзинская сельская библиотека

11 нче сентябрь көнне  Яңа Әмзә авылы китапханәсендә “Каюм Насыйриның - фольклор өлкәсендәге эшчәнлеге“ дип исемләнгән китап – иллюстратив күргәзмәсе төзелде. Китап күргәзмәсенә бөек галимнең төрле елларда нәшер ителгән китаплары куелды. Каюм Насыйри гомере буе укый, өйрәнә. Ул татар, гарәп, фарсы, рус һәм төрек телләрен камил белә, фәннең төрле тармакларыннан хәбәрдар була. Каюм  Насыйри – татар халкы күңелендә тирән эз калдырган шәхес. Аның иҗади мирасы мәдәниятебезнең алтын фондын тәшкил итә. Китап укучылар китап күргәзмәсен җентекләп карадылар, иҗаты белән таныштылар.

25 июль көнне Яңа Әмзә авылы китапханәсендә “Китаплар сәләмәтлек сагында” дип исемләнгән китап күргәзмәсе тәкъдим ителде. Күргәзмәдә антинаркомания һәм сәләмәтлек турында китаплар һәм журналлар урын алды.Сәләмәт булыр өчен сәләмәтлекне сакларга, кирәкмәгән шөгыльләр белән шөгыльләнмәскә, сәләмәтлек өчен кирәк булмаган әйберләр кулланмаска. Сәләмәтлекне һәрвакыт сакларга.

Яңа Әмзә авыл китапханәсендә "Гаилә - бәхет чишмәсе" проект эшен дәвам итеп "Китаплы гаилә бәхетле гаилә" дип исемләнгән акция үткәрелде.
Гаилә – ул җылы учак. Учак янына аның әгъзалары җыела. Гаилә никадәр нык булса, аннан килгән җылылык та шулкадәр көчле була.

2025 ел Россиядә Ватанны саклаучылар елы дип игълан ителде. Җиңүнең 80 еллыгын бәйрәм итү елында бу аеруча мөһим. Бу тарихның төрле чорларында үз Ватаны өчен көрәшкән барлык кешеләрнең батырлыкларына тирән рәхмәтебезне һәм хөрмәтебезне белдерәбез. 18 июль көнне Яңа Әмзә авылы китапханәсе Җиңүнең 80 еллыгына багышланган «Каләм белән җиңдем дошманны» дип исемләгән китап тәкъдим итте. Күргәзмә төрле яшьтәге китапханәгә йөрүче укучыларны язучылар һәм шагыйрьләрнең китаплары белән таныштырды.