2 гыйнварда Киекле авылы китапханәсе авыл җирлеге Советы уздырган Яңа ел күңел ачулары чарасында катнашты.

Бәйрәм чарасы авылның ял паркында чыршы янында оештырылды.

Киекле авылы халкын һәм кайткан кунакларны бәйрәмдә әкият геройлары белән берлектә Кыш бабай һәм Кар кызы каршы алды.

Кичәдә җыр һәм биюләр, балалар өчен уеннар оештырылган иде.

Халык салкыннан коймак белән кайнар чәй эчеп һәм тәмле пылау ашап җылынды.