Көз – матур, якты бәйрәмнәргә бай ел фасылы. Арада аеруча җылысы, кадерлесе-1 октябрь-Халыкара өлкәннәр көне. Шул уңайдан Бикуле авылы китапханәсе “Чәчләреңә еллар бәс сарды” дип аталган китап күргәзмәсе оештырды. Өлкәннәр Хәсән Туфан, Аяз Гыйләҗев, Габдрахман Әпсәләмовларның китапларын, “Сөембикә”, “Казан утлары”, “Безнең мирас” җурналларын һәм  “Акчарлак” газеталарын бик кызыксынып карап, өйләренә дә яздырып алып, канәгать булып киттеләр.

1 нче октябрь Өлкәннәр көне уңаеннан Бикүле авылы китапханәсендә “Өлкәннәрне хөрмәтләп“ дип аталган китап күргәзмәсе һәм  тематик кичә уздырылды . Күргәзмәгә өлкәннәрнең яратып укый торган Г.Әпсәләмовның “Ак чәчәкләр “ китабын , “Казан утлары”  журналларын һәм башка күп төрле китаплар,газетлар куелды. Кичәдә өлкәннәрнең  нинди китаплар яратып укулары турында фикерләр алыштык. Соңыннан өлкәннәрне бәйрәм белән котлап чәй табынына янында кичәбезне дәвам иттек.

Россиядә ел саен 3 нче сентябрьдә террорчылыкка каршы көрәштә

Бөрдәмлек көне билгеләп үтелә. 2004 елның әлеге көнендә террористлар Төньяк Осетиянең Беслан шәһәрендәге мәктәпне шартлатып, меңнән артык гаиләгә кайгы китерде, 300 дән артык кешене һәлак итте.Меңнән артык гаилә дию генә аз, ил буйлап барча кешене тетрәндерде бу афәт.

  Шул уңайдан Бикүле авылы китапханәсе  китап укучылары белән “Имя трагедия-Беслан”-дип аталган әңгәмә үткәрде. Әңгәмә барышында без укучылар белән хәзерге заман җәмгыятендә игелекле һәм начар гамәлләр турында сүз алып бардык. Аларны бер-берсенә карата яхшы мөгалләмәдә генә булып, дус, тату яшәргә чакырдым.

3 нче сентябрь көнне Бикүле авылы  китапханәсе китап  укучыларны яңа китаплар белән таныштырды. Китап укучылар  Р.Миңнуллинның “Мин мактанчык түгел”, Б.Рәхмәтнең “Сара мәктәпкә бара”, С.Малышевның “Какого цвета жизнь” һәм башка бик күп китаплар белән кызыксынып таныштылар һәм үзләренә ошаган китапларны укырга өйләренә дә яздырып алдылар.

1 сентябрь – Белем бәйрәме! Бу көн тәүге тапкыр мәктәп бусагасын атлаучылар өчен дә, кабаттан парта артына әйләнеп кайтучылар, укытучылар башка уку йортлары өчен дә зур бәйрәм. Шул уңайдан Бикүле авылы китапханәчесе шул авылның мәктәп укучыларын, укытучыларын Белем бәйрәме белән тәбрикләдем. Актив китап укучыларга үземнән кечкенә генә бүләкләр, китаплар өләштем һәм инде әлбәттә аларны китапханәгә китап укырга чакырдым. Бу уку елында балалар яңа белемнәр тупласын, кызыксынып укысын, укучыларның укытучыларның да иҗади уңышлары күп булсын . Яңа уку елы котлы булсын!