Кешелек дөньясы каршында хәзерге көннең иң куркыныч афәте – наркомания һәм аңа каршы көрәш проблемасы тора. Шуңа карата Яңа Әмзә авылы китапханәсендә “Яшәү ямьле – яшәү күңелле” дигән китап күргәзмәсе тәкъдим итте.Күргәзмәдә наркоманияне кисәтүгә караган, сәламәт яшәү рәвеше тәрбияләү буенча киңәшләр туплаган китаплар урын алды.

15 май - Халыкара гаилә көне буларак билгеләп үтелә. Шул уңайдан Яңа Әмзә авылы китапханәсендә “Гаилә - бәхет чишмәсе” дип аталган акция үткәрелде. Чара барышында китапханәче  китап укучыларга Гаилә агачы тәкдим итте укучылар агачның яфракларына үз фикерләрен, теләкләрен яздылар. Чарага шул ук исем астында  китап күргәзмәсе дә тәкъдим ителде,күргәзмәгә куелган китаплар белән укучылар бик теләп таныштылар.

Яңа Әмзә авылы китапханәсе 16 майда татар театрына нигез салучыларның берсе Габдулла Кариевның тууына 135 ел тулуга багышлап “Татар театрына нигез салучы” дип аталган китап күргәзмәсе тәкъдим итә. Күргәзмәгә Г. Кариев турында җыелган мәгълүматлар, Г. Кариев музее турындагы китап урын алды.

Яңа Әмзә авылы китапханәсе”Оста куллар утравы” түгәрәк эшен дәвам итеп 9 май - Бөек Җиңү көненә карата китапханәгә йөрүче укучылар белән  «Ветераннар»  өчен открытка ясау мастер классы үткәрде.