Городской филиал №4 (Нижний Нурлат)

4 нче номерлы Шәһәр филиалы китапханәсендә яңа уку елы башлану уңаеннан “Рәхим итегез белем иленә”дип исемләнгән китап күргәзмәсе ясадым,китап күргәзмә  укучыларны үзенә җәлеп итте. Шулай ук алар китапханәгә даими килә торган яңа газета ,җурналлар һәм  китаплар  белән таныштылар һәм охшаган  китапларны,журналларны  укыр өчен өйләренә дә яздырып алдылар.

4нче номерлы шәһәр филиал китапханәсендә Татарстан  Республикасының туган көненә карата “Мин яратам сине Татарстан!”дигән  китап укучылар  белән әңгәмә үткәрдем һәм китап күргәзмә белән якыннан таныштырдым. Күргәзмәгә  Татарстанның тарихын һәм бүгенгесен чагылдырган китаплар  һәм җурналлар куелды. Китап укучылар әңгәмәдә бик теләп катнаштылар, бирелгән сорауларга дөрес җаваплар бирделәр,әңгәмә бик эчтәлекле  үтте.

3 нче сентябрь  көнне 4 нче номерлы Шәһәр филиалы китапханәсе,мәдәният йорты белән берлектә “Терроризмга  каршы без ”дип исемләнгән  әңгәмә уздырдык. Әңгәмәбезнең максатлары итеп: яшләребезгә  әхлак  сыйфатлары  тәрбияләү, террорчылык асылын, аның төрләрен һәм максатларын аңлату иде. Китап укучыларга терроризм һәм экстремизм, яшьләр группировкалары турында, теләсә кайсы очракта кешелеклелек һәм үзара ярдәм турында онытмаска кирәклеге турында сөйләдек.Бу чарага шулай ук китап күргәзмәседә әзерләнгән иде.Китап укучыларны китап күргәзмә белән дә  якыннан таныштырдым.

4нче номерлы шәһәр филиалы китапханәсендә “Яратам туган ягымны” дип исемләнгән  әңгәмә үткәрдем.Китап укучыларда туган телебезгә,туган ягыбызга  карата кызыксыну хисе уяттык,аларга авылыбызның тарихын күренекле кешеләре, якташ язучыларыбыз,истәлекле урыннар турында сөйләдем,күргәзмәгә куелган китаплар белән якыннан таныштырдым.Туган ягыбызга багышланган әңгәмә бик эчтәлекле үтте.