2021 ел Татарстанда туган телләр һәм халыклар бердәмлеге елы, шул уңайдан Кәкре Атау китапханәчесе китап укучылары арасында конкурс игълан итә. Конкурс "Туган телне кадерләгән халык кадерле булыр" дип атала.

20 март көнне  Кәкре Атау авылы китапханәсендә “Дулкын,дулкын яңалык” дип аталган вакытлы матбугат күргәзмәсе оештырылды. Бүгенге көндә вакытлы матбугат гаять күп төрле һәм йөзләгән газета - журналлар белән исәпләнә. Алар укучыларга тирә-юньдәге хәлләр турында оператив мәгълүмат җиткерәләр, иң кызыклы вакыйгаларны, фактларны, мәгълүматларны яктырталар, үзләрен кызыксындырган сорауларга җавап бирәләр.

10 март,язучы, Фоат Миңлеәхмәт улы Садриевка 80 яшь тулды Шул оңгайдан Кәкре Атау китапханәсендә "Хәзинәле гомер" дигән китап күргәзмәсе ясалды. Китапханәгә килүчеләр Фоат Садриевның әсәрләре белән таныштылар.

18 март көнне Клара Булатовага 85 яшь тулды. Шул уңайдан Кәкре Атау авылы китапханәсендә "Сандугачлар кызы" дигән китап күргәзмәсе ясалды. Китапханәгә килүчеләр Клара Булатованың китаплары һәм биографиясе белән таныштылар.

Кәкре Атау китапханәсендә"23 февраль-Ватанны саклаучылар көне" дигән китап күргәзмәсе ясалды. Китапханәгә керүчеләр ул китаплар белән бик теләп таныштылар.