20 июль көнне Биккол авылы китапханәсе Татарстан Язучылар берлегенең Шәйхи Маннур, Абдулла Алиш исемендәге премияләре лауреаты Алмаз Марс улы Гыймадиевның 50 яшьлек юбилее уңаеннан эшләнгән«Үзең булып кал»  дип аталган китап кургәзмәсе янында әдәби танышу узды. Китапханәче балаларны язучының тормыш юлы һәм иҗаты белән таныштырды. Балалар язучының китабыннан өзекләр укыдылар. Алмаз Гыймадиев балалар өчен шаян хикәяләр иҗат итә. Аның әсәрләренең геройлары бүгенге балалар һәм  яшүсмерләр. Әдип малайлар  һәм кызларның бер – берсенә булган мөнәсәбәтләрен кызыклы да, гыйбрәтле дә хәлләр аша тасвирлый.